अमेरिकी राष्ट्रपतिको दोस्रो कार्यकालका लागि ट्रम्पले औपचारिक रुपमा चुनावी गरे अभियान सुरु

Spread the love
  •  
  •  
  •  

एजेन्सी –  अमेरिकी राष्ट्रपति डोनाल्ड ट्रम्पले सन् २०२० मा अमेरिकामा हुने  राष्ट्रपतिय निर्वाचनको लागि चुनावी अभियानको घोषणा गरेका छन् ।

मंगलबार फ्लोरिडामा हजारौँ समर्थकहरुको भेला माझ ट्रम्पले चुनावी प्रचारको औपचारिक घोषणा गरेका हुन् । समर्थकलाई सम्बोधन गर्ने क्रममा उनले फ्लोरिडालाई आफ्नो दोस्रो घर बताए । त्यस्तै उनले विपक्षी डेमोक्रेटले देशलाई ‘विभाजन’ गर्न उद्दत रहेको आरोप पनि लगाए ।सुरुवाती मतसर्वेक्षणमा ट्रम्प केही सम्भावित डेमोक्रेट प्रत्यासीभन्दा पछाडि देखिएका छन् ।

फ्लोरिडा राज्यको ओर्लाण्डो सहरमा भएको भेलालाई सम्बोधन गर्दै ट्रम्पले भने ,‘ हामीले अमेरिकालाई महान् बनाइ राख्नुपर्छ । आज म तपाईंका अघि अमेरिकी राष्ट्रपतिको दोस्रो कार्यकालको लागि चुनावी अभियान औपचारिक रुपमा सुरु गर्दैछु ।’

‘तपाईंले अहिलेकै प्रशासनका टिमलाई कायम राख्न सघाउनु भयो भने आगामी दिन धेरै काम गरिनेछ । यस प्रशासन अन्तर्गत जति हाम्रो देशको भविष्य कहिले सुन्दर र चहकिलो देखिएको थिएन,’ ट्रपले भने ।

सम्बोधनमा ट्रम्पले अवैध आप्रवासीहरुमाथि कडाई गरिने उनको पुरानो वाचा पुनः दोहो¥याए । ट्रम्पले सन् २०१६ मा आप्रवासीको विरोधलाई प्रमुख मुद्दा बनाएका थिए । एक दिन अघि ट्रम्पले ट्वीट गर्दै प्रशासनले ‘गैरकानुनी रुपमा अमेरिका पुगेका लाखौँ आप्रवासीलाई देश निकाला गर्न सुरु गर्ने’ लेखेको थिए ।

राष्ट्रपतिको ¥याली हुने स्थानमा हजारौं समर्थक भेला भएका थिए । केही मानिस अघिल्लो दिन विहानैदेखि ओर्लाण्डोको एम्वे सेन्टर एरिनाबाहिर क्याम्प लगाएर बसेका थिए ।संचारमाध्यमसँग कुरा गर्ने क्रममा ट्रम्पका समर्थकले अर्थतन्त्र र आप्रवासनलाई प्रमुख चासो भएका रुपमा उल्लेख गरे ।फ्लोरिडा अमेरिकाको राष्ट्रपति निर्णायक हुने थोरै राज्यमध्येमा पर्छ । सन् २०१६ मा ट्रम्पले थोरै मतले यस राज्यबाट जित हासिल गरेका थिए ।

Facebook Comment